நுவரெலியாவில் அதிரடிப் பரபரப்பு: தண்ணீர்ப் போத்தலை அதிக விலைக்கு விற்ற கடைக்கு 5 இலட்சம் ரூபா அசுர அபராதம்!

சுற்றுலாப் பிராந்தியமான நுவரெலியா பகுதியில் நுகர்வோரிடம் நிர்ணயிக்கப்பட்ட கட்டுப்பாட்டு விலையை விட அதிக விலைக்கு அத்தியாவசியப் பொருட்களை விற்பனை செய்த இரண்டு வர்த்தகர்களுக்கு நுவரெலியா நீதவான் நீதிமன்றம் (Nuwara Eliya Magistrate’s Court) மொத்தம் 600,000 ரூபாவை அபராதமாக விதித்து இன்று அதிரடி உத்தரவிட்டுள்ளது.  

பொதுமக்களிடம் இருந்து கிடைத்த தொடர் முறைப்பாடுகளை அடுத்து நுகர்வோர் விவகார ஆணைக்குழுவின் (CAA) அதிகாரிகள் நுவரெலியா நகரப் பகுதியில் முன்னெடுத்த திடீர் சோதனைகளின் போதே இந்த முறைகேடுகள் கண்டுபிடிக்கப்பட்டு, சட்ட நடவடிக்கை எடுக்கப்பட்டது.  

30 ரூபாய் கூடுதல் விலைக்கு 5 இலட்சம் அபராதம்

நீதிமன்ற விசாரணைகளின் போது, சுற்றுலாப் பயணிகள் அதிகம் வருகை தரும் ஒரு குறிப்பிட்ட கடையில், 750 மில்லி லீற்றர் (750ml) குடிநீர் போத்தல் ஒன்று அரசாங்கத்தினால் சான்றளிக்கப்பட்ட கட்டுப்பாட்டு விலையை விட 30 ரூபாய் அதிக விலைக்கு விற்கப்பட்டமை உறுதி செய்யப்பட்டது. இதனையடுத்து, நுகர்வோர் பாதுகாப்புச் சட்ட விதிகளின் கீழ் அந்த வர்த்தக நிலையத்திற்கு 500,000 ரூபா (5 இலட்சம்) அசுர அபராதம் விதித்து நீதவான் தீர்ப்பளித்தார்.  

அதேவேளை, அரசாங்கத்தின் அதிகபட்ச சில்லறை விலையை (Maximum Retail Price – MRP) மீறி, நுகர்வோருக்கு அதிக விலைக்கு அரிசி விற்பனை செய்த குற்றச்சாட்டை ஒப்புக்கொண்ட மற்றொரு வர்த்தகருக்கு 100,000 ரூபா (1 இலட்சம்) அபராதம் விதிக்கப்பட்டது.