இலங்கையில் பராட்டா மற்றும் முட்டை ரொட்டி உள்ளிட்ட Short Eats உணவுப் பொருட்களின் விலை இன்று (21) நள்ளிரவு முதல் ரூ.5 ஆல் அதிகரிக்கப்படவுள்ளதாக அகில இலங்கை உணவக உரிமையாளர்கள் சங்கம் தெரிவித்துள்ளது.
இறக்குமதி செய்யப்படும் கோதுமை மாவின் விலை ரூ.13 ஆல் அதிகரித்துள்ளதைத் தொடர்ந்து இந்த விலை உயர்வு தீர்மானிக்கப்பட்டுள்ளதாக அந்த சங்கம் தெரிவித்துள்ளது.
இன்று (21) ஊடகங்களுக்கு கருத்து தெரிவித்த அகில இலங்கை உணவக உரிமையாளர்கள் சங்கத்தின் தலைவர் ஹர்ஷன ருக்ஷன், கோதுமை மாவின் விலை அதிகரிப்பு காரணமாக உணவகங்களில் விற்பனை செய்யப்படும் சில உணவுப் பொருட்களின் விலைகளைத் திருத்த வேண்டிய நிலை ஏற்பட்டுள்ளதாக தெரிவித்தார்.
அதிகரித்துள்ள உற்பத்திச் செலவுகளை ஓரளவு ஈடுசெய்யும் வகையில், சில உணவுப் பொருட்களின் விலையை சிறிய அளவில் அதிகரிக்க சங்கம் தீர்மானித்துள்ளதாகவும் அவர் குறிப்பிட்டார்.
இதன்படி, பராட்டா, முட்டை ரொட்டி உள்ளிட்ட Short Eats உணவுப் பொருட்களின் விலை இன்று நள்ளிரவு முதல் ரூ.5 ஆல் அதிகரிக்கப்படவுள்ளது.
கோதுமை மாவின் விலை அதிகரிப்பு உணவகங்களின் உற்பத்திச் செலவில் தாக்கத்தை ஏற்படுத்தியுள்ளதாக உணவக உரிமையாளர்கள் சங்கம் தெரிவித்துள்ளது. இதன் காரணமாக பொதுமக்கள் அன்றாடம் கொள்வனவு செய்யும் உணவுப் பொருட்களின் விலைகளிலும் மாற்றம் ஏற்பட்டுள்ளது.
ஆதாரம்: அகில இலங்கை உணவக உரிமையாளர்கள் சங்கம் / ஊடக அறிக்கை
Abdul Razak M. Muzammil is Founder and Editor-in-Chief of KVC Media. View author profile