இலங்கையின் ஐந்து முக்கிய வைத்தியசாலைகளுக்கு புதிய பணிப்பாளர்கள் நியமிக்கப்பட்டுள்ளனர். களுபோவில, ராகம, மட்டக்களப்பு மற்றும் பேராதனை போதனா வைத்தியசாலைகள் உள்ளிட்ட ஐந்து வைத்தியசாலைகளுக்கு இந்த நியமனங்கள் வழங்கப்பட்டுள்ளன.
சுகாதார சேவைகள் ஆணைக்குழுவின் அனுமதியுடன், பொதுச் சேவை ஆணைக்குழுவின் சுகாதார சேவைகள் குழுவின் ஒப்புதலின் பேரில் இந்த நியமனங்கள் மேற்கொள்ளப்பட்டுள்ளதாக ஸ்வர்ணவாஹினி செய்தி வெளியிட்டுள்ளது.
நியமனங்களுக்கான உத்தியோகபூர்வ கடிதங்களை சுகாதார அமைச்சர் நளிந்த ஜயதிஸ்ஸ, திங்கட்கிழமை (02) சுகாதார அமைச்சில் வைத்து புதிய பணிப்பாளர்களிடம் கையளித்தார்.
இதன்படி, புதிய பணிப்பாளர்களாக நியமிக்கப்பட்டவர்கள் விபரம் வருமாறு:
- களுபோவில போதனா வைத்தியசாலை: டபிள்யூ. எம். யூ. எஸ். விஜேமான்ன
- ராகம போதனா வைத்தியசாலை: டி. ஏ. கே. பெரேரா
- கொழும்பு லேடி ரிட்ஜ்வே சிறுவர் வைத்தியசாலை: டபிள்யூ. ஏ. பி. பி. ரத்னசேகர
- மட்டக்களப்பு போதனா வைத்தியசாலை: ஜி. சுகுணன்
- பேராதனை போதனா வைத்தியசாலை: டபிள்யூ. எம். சி. எம். விஜேசிங்க
இந்த நியமனங்கள் உடனடியாக நடைமுறைக்கு வருவதாக சுகாதார அமைச்சு தெரிவித்துள்ளது.
நாட்டின் முக்கிய வைத்தியசாலைகளின் நிர்வாகச் செயற்பாடுகளின் வினைத்திறனையும் சேவைத் தரத்தையும் மேம்படுத்தும் நோக்கில் இந்த நியமனங்கள் மேற்கொள்ளப்பட்டுள்ளதாகவும் அமைச்சு குறிப்பிட்டுள்ளது.
இந்த நியமன நிகழ்வில் சுகாதார மற்றும் ஊடக அமைச்சின் செயலாளர் அனில் ஜயசிங்க, சுகாதார சேவைகள் பணிப்பாளர் நாயகம் அசேல குணவர்தன உள்ளிட்ட பல அதிகாரிகள் கலந்துகொண்டனர்.
ஆதாரங்கள் : ஸ்வர்ணவாஹினி செய்தி மற்றும் சுகாதார அமைச்சின் அறிவிப்பு.
Abdul Razak M. Muzammil is Founder and Editor-in-Chief of KVC Media. View author profile